O Mago Charlangas invítanos a viaxar a través do tempo co seu espectáculo Atemporal, onde a maxia e o teatro mestúranse creando unha historia na que navegaremos pola nosa imaxinación.
Coñeceremos a un científico tolo e os seus incríbles experimentos para adentrarnos nunha viaxe co Pirata Barbanegra na busca de máxicos tesouros.
Un número de ilusionismo co que gozaremos de xogos con cartas, bolas, moedas, billetes e máis sorpresas que nos farán pasar unha leda xornada chea de maxia.
Víctor González García-Echave é un ilusionista con ampla experiencia sobre os escenarios.
Grazas á súa polivalencia combina diferentes disciplinas artísticas como clown, malabares, música ou globoflexia para acadar unha experiencia inesquecible nos seus espectáculos.

©2023 Moc Moc Espectáculos e Animación
Aviso legal | Política de privacidade | Declaración de accesibilidade | Mapa web

