Un espectáculo en prol da igualdade que busca concienciar sobre a importancia de colaborar nas tarefas domésticas.
Esas pequenas cousiñas que poden resultar pesadas podémolas transformar en divertidas coa simple axuda do xogo e a imaxinación.
Para este clown os roles entre homes e mulleres non están marcados. As tarefas domésticas din que hai que repartilas e non son aburridas en absoluto, pero… son tan doadas como parecen?
Con moitas torpezas, humor e malabares ou equilibrios con “cousas de andar por casa” seguro que este circo ten arranxo!
David Merelas é MeRe Clown, un personaxe directo, descarado e extrovertido que fai da interacción directa co público a súa marca persoal.
Formado na Asociación Cultural Manicómicos de A Coruña, a escola de circo CIRCONOVE de Santiago de Compostela ou cos mestres da escola francesa de clown “Hangar des Mines”
A finais do ano 2018 comeza un novo proxecto persoal creando a distribuidora de espectáculos “Moc Moc Espectáculos e Animación” do cal é fundador e director.

©2023 Moc Moc Espectáculos e Animación
Aviso legal | Política de privacidade | Declaración de accesibilidade | Mapa web

