Quen somos

Produción, distribución e artista na súa compañía individual “MeRe Clown” e colaborador nas compañías “Fanny Medioambiente” e “Moc Moc Producións”.

Clown, animador musical, malabarista, contacontos... a vida deste técnico de laboratorio deu un xiro cando no 2012 descubre as artes escénicas. Foi no 2018 cando aposta por adicarse única e profesionalmente ás artes escénicas creando “Moc Moc Espectáculos e Animación”.

Monitor deportivo, monitor de ocio e tempo libre e adestrador de baloncesto. Dende os 17 anos sempre ligado ó traballo cos máis cativos comeza a súa formación artística

no ano 2012 da man da Asociación Cultural Manicómicos de A Coruña.

Dende entón continuou a súa formación de forma autodidacta e tamén en diversos espazos de espectáculos Galicia tales como a escola de circo CIRCONOVE de Santiago de Compostela ou a pedagoxía de Michel Dallaire da escola Hangar des Mines de Francia, formándose tamén en slapstick, equilibrios, produción e distribución.

No ano 2015 estrea o seu primeiro espectáculo unipersoal “MeRe-cidamente”.

Produción, administración, encargada de actividades medioambientais e científicas e creadora da súa compañía “Fanny Medioambiente”.

Licenciada en Bioloxía e técnica superior en Educación e control medioambietal. Ligada ás actividades infantís e xuvenís dende os 16 anos únese a Moc Moc Espectáculos e Animación a comezos do ano 2023.

No ano 2023 crea o seu primeiro espectáculo “Xogando a reciclar”, no cal conta coa colaboración de “MeRe Clown”, e o seu obradoiro científico “Descubrindo o mundo coa microbioloxía”.